Quantcast
Channel: Ako si Genaro R. Gojo Cruz, Isang Maligayang Pagdating!
Viewing all 146 articles
Browse latest View live
↧

Kung Bakit Di Dapat I-Ban ang GFBF na Komersiyal ng McDo

June 7, 2011, 9:08 pm
$
0
0

Bilang isang multinational na kompanya, laging sinisikap ng McDonalds na makalikha ng mga komersiyal na naaayon sa kultura o panlasang Pilipino.  Maraming komersiyal nila ang nagtagumpay sa layunin nilang ito ngunit mayroon din namang nabigo dahil di umangkop sa panuntunang moral ng ilang institusyong-panlipunan tulad halimbawa ng Simbahang Katoliko.   

Isang mahalagang estratehiya sa pagpapakilala o pagbebenta ng mga produkto ang komersiyal, ito man ay biswal, audyo, o limbag.  Matindi ang kompetisyon lalo na sa larangan ng fastfood kung kaya matindi rin ang pagsisikap McDonalds na maging malikhain kahit na kung minsan ay mali na ang values o gawi na kanilang itinuturo sa mga mamimili. 

Mahalagang masuri ang mga komersiyal na lumalabas ang telebisyon nang maging malay din ang mga nasa likod nito na gumawa ng mga komersiyal na totoo at may pakinabang sa buhay ng mga mamimili.  Pero walang dalisay na layunin ang mga komersiyal, iisa lang ang layunin nito, ...

↧
Search

Aming Maynila

June 22, 2011, 6:42 pm
$
0
0

ni Genaro R. Gojo Cruz

 

Nanatili ka na lamang sanang damo

o halamang-ligaw na natatapakan

ng mga biyaherong galing lalawigan. 

Di ka na sana naging pangalan

na binibigkas o binabasa

tuwing may naliligaw o naghahanap

ng matutuluyan. Saan ka nag-ugat?

Nasaan ang halamang-muhon

ng iyong pangalan?

 

Nasa sulok ka ng aming gunita,

nasa aming pangarap mulang pagkabata.

Ikaw ang tahanan ng aming mga alaala,

ng aming mga dasal at kubling nasà.

Sa iyong kandungan, nagtatagpo

ang mga nagkahiwalay, natutupad

ang lahat ng inusal na pangako,

bukod-tangi ang buhay, tapat

ang lahat tulad ng pag-ibig.

 

Kailangang maglaho ng Nilad,

ang halamang-ligaw na pinagmulan

ng iyong dakilang pangalan,

nang bigkasin ka bilang isang salita,

nang tumagos ka sa aming puso

at mag-ugat  upang maging daluyan

ng aming dugo at kasaysayan.

Sa bawat pagbigkas ng iyong pangalan,

may isang tahanang laging nagbubukas.

 

Aking Maynila!

 

(Tulang binigkas sa Museo Pambata sa...

↧
↧

Ang Natutuhan ko sa "Bastos" na Babasahin

July 1, 2011, 1:20 am
$
0
0

Wala sa mga teksbuk ko noong hay skul ang mga paboritong kong basahin kundi nasa diyaryong ABANTE.  Isa ako sa masugid na sumusubaybay sa kolum ni Xerex Xaxiera. 

            Sa Xerex, nabasa ko ang mga sex confession ng ibat't ibang uri ng tao.  May mga katulong, contruction worker, tindera, tsuper, office worker, minero, mangingisda, at kung sino-sino pa.  Mas matindi ang aking pananabik lalo na kung mga pare, madre, o kaya ay guro ang magtatapat ng kanilang mga suliranin o pakikipagsapalaran ukol sa seks.  ‘Yung mga dapat ay banal o “malinis,” nakatutuwang malamang "bastos" o may “libog” din pala.

            Noon ngang magkaroon ng fundraising sa aming paaralan, dumagsa ang ABANTE sa aming paaralan na dala ng aking mga kaklase.   Sa recess, lihim kong kinukuha ang mga isyu ng ABANTE para basahin ang kolum ni XEREX.  &...

↧

Dalawa Kong Bagong Aklat Ukol sa Climate Change

July 4, 2011, 8:50 pm
$
0
0
Ito ang 2 kong bagong aklat ukol sa climate change na pinondohan ng World Bank-Philippines. Nakatutuwang malaman na ipamimigay ito nang libre sa mga komunidad lalo na yaong mga nasa baybaying dagat. Tunay na mabisa ang kuwentong-pambata/aklat-pambata upang ituro ang ukol sa pangangalaga ng kalikasan. Ito ay nilapatan ng mga guhit na isang kilalang artist na si Alma Quinto.
↧

Konsumisyon sa Condominium

July 13, 2011, 7:32 pm
$
0
0

rebyu ni Genaro R. Gojo Cruz

Nakamamangha ang mga pangakong binibitawan ng mga developer ng mga condominium sa ating bansa.  Halos ipangako na nila ang “langit at lupa” para makaakit ng mga kliyenteng nais makatikim ng cosmopolitan o modernong pamumuhay.  Sino ang di mamamangha at maaakit sa mga tagline tulad ng “Radiant surroundings, Bright Future, The Perfect Setting for Your Family’s Dreams,” “Live Like a Star, A Five Star Home for the Star Student,” “Modern Living at Its Most Refreshing,” “Here, It’s Not A Living Room.  It’s Living for Living,” at iba pa. 

Marami ring itinuturing na senyales ng pag-unlad ang kabi-kabilang pagtatayo ng mga nagtataasang condominium sa ating bansa.  Patunay raw ito na may pera o pambili na ang mga Pilipino.         

Sinong Pilipino ang di naghahangad ng magandang bahay?  Sino ang tatanggi sa maalwang pamumuhay na ipinapangako ng mga nagtataasang condominium na parang mga kabuteng n...

↧
↧

Sa Akin ang LIRA

August 4, 2011, 8:57 pm
$
0
0

Bukod sa makatapos ng pag-aaral sa kolehiyo, isa rin sa mga pangarap ko noon ay ang maging kasapi ng Linangan sa Imahen, Retorika, at Anyo (LIRA). Gusto kong seryosohin ang pagtula.  At upang mangyari ito, kailangan ko itong pag-aralan.

 

Una kong narinig at nalaman ang tungkol sa LIRA sa aking kaklase noong kolehiyo sa Philippine Normal University na si Joselito “Jowie” delos Reyes.   Nababanggit niya sa amin na kanyang mga kaibigan ang mga pangalang Rio Alma, Teo Antonio, Rogelio Mangahas, Mike Bigornia, Roberto T. Añonuevo, at iba pa na sa huli ay makasasama sa mga listahan ng aking mga nabasa at hinahangang makatang Pilipino.  Bukod dito, higit na kinainggitan ko ang pagsasanay na dinaraanan ni Jowie sa pagsulat at pag-aaral tungkol sa mayamang kasaysayan ng ating panulaan.  Pagkaraan, noong mga huling bahagi ng dekada 90, madaragdagan pa ang aking mga kaibigang makata na pawang mga kasapi ng LIRA na sina Jerry Gracio, John Enrico Torralba, at Raymun...

↧

Palpak uli ang Bagong Komersiyal ng Maggi Magic Sarap

August 10, 2011, 8:38 pm
$
0
0

Sa aking pagkain paminsan-misan sa mga restawran, isa sa mga lagi kong bilin ay huwag gagamitan ng anumang pampalasa—ito man ay Nam Nam (All in One), Knorr Real Sarap (All in One uli), o ang higit na sikat na Maggi Magic Sarap (All in One din).  Sabi ko, ako na ang bahalang magtimpla na sarili kong sawsawan.  Ako na ang magdidikta ng gusto konng lasa sa pagkaing aking inorder.  Pero kung minsan nagsasalita rin ang waiter ng restawran, di raw sila gumagamit ng anumang pampalasa tulad ng aking mga nabanggit sa kanilang mga lutuin.  Ang Chef daw nila ay tunay na Chef.  Mabuti kung ganoon ang tugon ko.  Basta ang kabilin-bilinan ko huwag na huwag gagamit ng anumang pampalasa kahit pa sabihing No Artificial Preservatives Added (NAPA) ang mga nabanggit kong produkto.

 

Sa pinakabagong komersiyal na Maggi Magic Sarap, may pagsisikap uli itong maging confessional sa pamamagitan ni Judy Ann “Juday” Santos.  Alam ng buong Pilipinas na bago pa man naging i...

↧

Kuya Tikboy

August 16, 2011, 7:48 pm
$
0
0

SI KUYA TIKBOY ang bunsong kapatid ng aking Nanay.  Sa labintatlong magkakapatid, ayon sa kaniya, tatlo na lang silang nabubuhay.

            Natutuwa ako sa pagdalaw paminsan-minsan ni Kuya Tikboy sa aming magkakapatid sa Pastol dahil kahit papaano parang nararamdaman ko na ring dinadalaw kami ng aming yumaong ina.  Biglang sumagi sa isip ko, di siya nakakaligtaang abutan ng pera ng aking Nanay noon kung sakaling nagkita sila sa pagsamba.  Ngayong tumanda na lang siya talagang bumisita sa aming magkakapatid.  Sa pagsasalita at itsura ni Kuya Tikboy, kung naging babae lang si Kuya Tikboy, aakalain kong siya ang Nanay ko.

            Aaminin kong lumaki akong di talagang nakikilala nang lubusan ang pamilya ng aking ina.  Liban sa alam kong marami sa kanila ay mga taal na Iglesia ni Cristo, wala na akong alam tungkol sa kanila.  Si Kuya Tikboy, hang...

↧
Search

AVON

August 17, 2011, 4:33 am
$
0
0

SA MGA KOMERSIYAL ng AVON sa telebisyon ngayon, may mga babae o ina ng tahanang nagpapatotoo sa magandang buhay na naibigay sa kanila sa pagtitinda o pag-aalok ng nabanggit na beauty products.

             Ayon sa kanila, dahil sa AVON, nakapagbundar sila, nakapag-aaral ang kanilang mga anak sa magagandang eskuwelahan, at nakapaglalakbay sila sa iba’t ibang bansa. Nais kong patotohanan na totoo nga ang kanilang mga tinuran. Dahil ako mismo ay nag-alok at nagtinda ng AVON noong ako ay nasa 4th year hay skul.

          Kay Aling Delma ako kumukuha ng AVON na taga-Muzon din. Noon mga panahon iyon, pansin na pansin ko ang kaluwagan sa buhay ni Aling Delma. Halos sa kaniya kumukuha ng lahat ng nagtitinda ng AVON sa aming lugar. Punong-puno ng AVON products ang estante ni Aling Delma sa loob ng kaniyang bahay.

         Sa tanda ko, naging dealer di...

↧
↧

Hula

August 22, 2011, 9:43 pm
$
0
0

ISA SA PAMBIHIRANG kakayahan ng Tatay ko ay ang panghuhula.  Noong bata ako, sa pamamagitan ng aking palad, hinulaan niya akong di raw ako yayaman.  Gastador raw ako.   Wala man lang raw siyang makitang mga guhit sa aking palad na lumilikha ng kuwadrado o kahon na tanda raw ng pagiging matipid o pagyaman balang-araw.  Lahat daw ng pera ay palabas at dadaan lang sa aking palad.

            Tumatak sa aking isip ang sinabing iyon ng aking Tatay.  Lagi kong tinitingnan ng aking palad noon.  Pakiramdam ko, parang natapos na agad ang aking mga pangarap kahit di pa natutupad.  Parang wala na talagang pag-asang yumaman ako.   Lalo pa’t alam kong mahirap kami.  Nakasanla sa bangko ang lupang kinatitirikan ng aming lumang-lumang bahay.    Marami sa mga kapatid ko ang di man lang nakatuntong sa kolehiyo.

Tingin ako nang tingin sa akin palad noon, pilit akong naghahanap ng...

↧

Kulambo

August 22, 2011, 9:46 pm
$
0
0

NAKATATAKOT NGAYON ANG bilang ng mga naging biktima at namatay na dahil sa sakit na Dengue.  Di man lang marunong pumili ang sakit na ito ng taong dadapuan—mahirap man o mayaman.  Naisip ko, kahit papaano ay may equalizer naman sa ating lipunan.  Kahit man lang sa sakit na Dengue, mararamdaman nating pantay-pantay ang lahat—politiko man o kargador ng mga gulay sa palengke.  Unfair talaga ang buhay kung mahirap lang ang dinadapuan ng Dengue!

            Ang matinding takot ang nagtulak sa akin upang pumunta sa isang kilalang mall upang bumili ng kulambo na pang-isahan lang.  Di naman malamok sa aking munting tinitirahan sa Maynila pero alam kong traydor ang mga lamok.  Pero nabigo akong makabili.  Ayon sa saleslady na pinagtanungan ko, wala na raw silang stock.  Ang nakita ko ay kulambong pang-sanggol na binubuksan na parang isang payong. 

Uso pa nga ba ang paggamit ng kulambo?  O ...

↧

Karinderya

August 23, 2011, 11:15 pm
$
0
0

TAONG 1987 AKONG umuwi sa Pastol, Muzon, matapos ang ilang taong pagtira sa aking Ate Perla sa San Joaquin, Batangas. 

            Nang makauwi ako ng Pastol sa aming lumang bahay, nag-iba talaga ang buhay ko.  Walang ibang may responsibilidad sa sarili ko kundi ako lang.  Ako ang bahala sa aking pagkain, sa paglalaba ng aking mga damit, sa aking ibabaon sa paaralan, sa lahat-lahat na.  Kasabay ng aking paglaya ay ang pagkakaroon ko ng mabigat na responsibilidad na tingnan at asikasuhin ang aking sarili.  Isa pa, kung magandang bahay ang aking tinirhan sa San Joaquin, napalitan ito ng luma at bulok naming bahay sa Pastol.

            Pagtira ko sa Pastol, si Aling Aida at ang dalawang niyang anak ang mga nauna kong nakilala.  Nasa ibayo ang bahay nila kung saan naroon din ang aming kaingin na pinagtataniman ng aking Tatay at ng aking mga kapatid n...

↧

Ito na ba ang Love Story Ko? Di Ako Sigurado.

August 30, 2011, 7:37 pm
$
0
0

ANG SINGALONG SA Maynila ang pangalawang kalye na tinirahan ko. 

Isinama kami ng aking pamangkin ng mag-asawang sina Ate Norma at Kuya Buboy na noon ay nangungupahan din sa itaas ng lumang bahay na halos nasa kanto ng Leon Guinto St. at ng Quirino Avenue.  Nang makakita ang mag-asawa nang mas maayos na apartment sa may Singalong, isinama nila kaming magtiyuhin.   May dalawang kuwarto sa itaas ang apartment.  Ang isa ay hinati sa dalawa pang kuwarto at ang isa ay sa aking pamangkin at sa iba pang gustong mag-bed-space.  Ang mag-asawa ay sa ibaba, ang sala ay nagiging tulugan nila kung gabi.

Siyempre kung mas maayos ang apartment, mas mahal din ang bayad.  Kung kaya upang di maging mabigat sa mag-asawa ang bayad sa upa, nagpaupa rin sila sa iba.  Siyempre, ang pamangkin ko lang ang may kakayahang magbayad.  Ako, dinaan ko na lang sa kapal ng mukha.  Bitbit ko ang isang lumang folding bed na aking tulugan na naging folding bed din ng aki...

↧
↧

Hanggang Kailan ang Habambuhay?

September 16, 2011, 5:22 am
$
0
0
 

PAGOD NA AKONG sumagot sa tanong na kung bakit di pa ako nag-aasawa. Noong una, lalo noong tumuntong ako sa edad 3o, siniseryoso ko pa ang pagsagot. Malimit kong isagot—abala kasi ako sa pagtuturo at pag-aaral, abala ako sa pagsusulat, wala pa kasi akong pundar, kulang pa ang aking kinikita para makabuhay ng isang pamilya, mahirap kasi ang buhay ngayon, mahal ang mga bilihin at gasolina, gusto ko pang i-enjoy ang pag-iisa. Pero nang lumampas ako ng edad 30, mas dumarami pa ang nagtatanong kaya sinasadya ko na lang na di sagutin.

Sa totoo lang, naiinggit din ako sa mga kaibigan o kaklase kong ikinasal. Kayang-kayang nilang ipangako sa kanilang napangasawa ang kanilang habambuhay. Sa kanilang pangakong mag-iibigan at magsasama sila nang habambuhay, nakikita ko ang isang ideyal na pagsasama at perpektong pamilya. May inggit akong nararamdaman dahil ang habambuhay ang di ko kayang sambitin at maipangako.

Marahil ang habambuhay rin ang maibibigay na dahilan kung bakit may mga mag-as...

↧

Kuwitis

September 21, 2011, 7:09 pm
$
0
0

MADALAS AKONG TAKASAN ng aking dalawang Ate noong bata ako.  Malaking sagabal kasi ako sa aking Ate Rowena at Ate Sally (kambal kong kapatid na babae) sa kanilang paglalakwatsa o paggagala.  Madalas pinatutulog muna nila ako upang makatakas sila.

            Isang gabi, tinakasan na naman nila ako pero ang di nila alam ay nagkukunwari lang akong tulog.  Sinundan ko sila.   Sa aking pagsunod, di ko namamalayang malayo na rin pala ang aking narating.   

Di pa ako nag-aaral noon kaya sa tantiya kong nasa apat hanggang limang taon ako noon. 

            Nakarating ako hanggang bisita sa Muzon.  Naakit ako sa kakaibang kulay at liwanag ng bisita.  Maraming arko na sinabitan ng iba’t ibang kulay ng bulaklak na gawa sa papel na may hawakan sa magkabila at dala ng dalawang tao.   Sa gitna ng arko ay makikita ang mga batang b...

↧
Search

Ka Inso

October 6, 2011, 11:12 pm
$
0
0

           ni Genaro R. Gojo Cruz

 

ANG TAON NG aking kapanganakan ang taon din ng paghihiwalay ng aking mga magulang.   Mula noon, di na rin muli pang nag-asawa ang aking Nanay.

Kung may magtatanong sa akin kung anong taon ang aking kapanganakan, matinding lungkot ang aking nararamdaman.  Parang kasing sinasabi ko na rin ang taon kung kailan naghiwalay ang aking mga magulang.  Sinusukat ng aking naging buhay sa ibabaw ng mundo ang mga taon ng kanilang paghihiwalay. 

            Sabi ng aking Ate, naikuwento raw ni Nanay na di ang Tatay ko ang talagang gustong makatuluyan ng aking Nanay kundi ang isang pulis na kaniyang manliligaw noon.   Natawa lang ako sa kuwentong ito.  Di pala ang Tatay ko ang tunay na gusto ng aking Nanay pero siyam kaming kanilang naging anak. 

          &nbsp...

↧

Ang Pangit Kong Karanasan sa Likod ng Programang Kris TV ng ABS-CBN

October 10, 2011, 7:54 pm
$
0
0

ni Genaro R. Gojo Cruz

 

Isang hapon ng Sabado, matapos akong makinig kasama ng aking tatlong klase ng Humanities sa De La Salle University-Manila sa lektura ng isang kilalang classical pianist, nakatanggap ako ng mensahe na nag-iimbita sa aking Facebook.  Ito ang mensahe:

 

hi sir, this is -------- from kristv abs cbn. staff po ako ni ms kris aquino. naghahanap po kasi kami ng sum 1 na may success story at nairefer po kayo ni davee sa akin. live guesting po ito on tuesday . sir if your willing and availabe pls reply po sa msg na ito or txt me po…

 

Sino ang tatanggi sa ganitong imbitasyon?  Nabulabog ang sandali ng aking pananahimik at pagnamnam sa ilang mga classical music na aking napakinggan at naintindihan noong hapon iyon.

 

Ibinigay ko ang aking cellphone number.  Sumunod na ang maraming tanong sa text at ilang tawag sa telepono na matiyaga ko namang sinagot.  Kay sarap ng pakiramdam na biglang may nagkaroon ng interes sa akin buhay, sa a...

↧
↧

Defrost

November 9, 2011, 9:32 pm
$
0
0

ni Genaro R. Gojo Cruz 

Sa unang gabi ng aking pag-iisa,

naisip kong i-defrost ang refrigerator.

Sa pagbukas ko ng pinto at pagpindot

ng kaisa-isang buton sa loob, agad

kong natanaw ang maraming alaala.

Nang buksan ko ang isa pang pinto

sa itaas, bumungad sa akin ang makapal

na yelo, sumidhi ang nasà kong matunaw

agad ang yelo sa freezer, hangad ko

noon pang makita at madama ang sarili

(tiyak na aabutin ako ng madaling-araw).

Nahiga muna ako sa kama.  Iniwang

bukas ang lahat ng aking pandama.

 

Sa pagkatunaw ng yelo, dama kong

kay tagal na rin akong naging manhid.

Isa-isa kong inilabas ang mga naging bato

na ring pagkain—sumagi sa aking gunita

ang ating mga abalang-umaga, ang lalim

ng gabing hangad natin ay mainit na sabaw.

Inilabas ko rin ang mga tirang ulam, tubig,

juice sa tetra pack, itlog, palaman, tumigas

na pizza na inorder mo noong isang gabi,

lahat-lahat na—marami pala tayong nakaligtaan

at di napag-usapan. Sa ibaba, nakita ko

ang mga gulay (bulok n...
↧

Ang Guro Muna ang Dapat na Maging Palabasa Bago ang mga Mag-aaral

November 13, 2011, 5:53 pm
$
0
0

ni Genaro R. Gojo Cruz

 

MAY MAGANDA AKONG balita!

Sa pamamagitan ng Departamento ng Edukasyon (DepEd), idineklara noong ika-25 ng Oktubre 2011 ang buwan ng Nobyembre sa bisa ng Memorandum No. 244, bilang National Reading Month at ang ika-25 ng Nobyembre 2011 naman bilang Pambansang Araw ng Pagbasa. 

Layunin nitong hikayatin ang mga mag-aaral at ang mga kabataan na maging ugali ang pagbabasa.  At upang maisakatuparan ito, hinihikayat ang mga eskuwelahan at sentro ng pag-aaral na magsagawa ng mga gawain o programang maglalapit sa mga batang Pilipino sa aklat at maipakita ang halaga ng pagbabasa sa kanilang pag-unlad. 

Nakasaad din sa Memorandum, ang ilang mga mungkahing gawain sa buong buwan ng Nobyembre kaugnay ng pagbabasa: 

·        Read-A-Thon – layuning maisulong ang kultura ng pagbabasa sa mga mag-aaral.  Sa gawaing ito, tinutukoy ang pinakamahuhusay na magbasang indibiduwal at grupo. 

·  &n...

↧

A Forum on Children's Literature

November 14, 2011, 8:33 pm
$
0
0

The Bienvenido N. Santos Creative Writing Center, the Office of the Vice Chancellor for Research, and the College of Liberal Arts, De La Salle University invite enthusiasts to A FORUM ON  CHILDREN’S LITERATURE.

Guest Speakers will be Ms. Kristine Canon, author; Prof. Genaro R. Gojo Cruz, author; Prof. John Enrico C. Torralba, author; Mr. Frances Ong, publisher of Tahanan Books for Young Children; and Mr. Elbert Or, illustrator

This will be on 24 November 2011, Thursday; 11:20 a.m. – 12:50 p.m.; Room 508, Yuchengco Building, De La Salle University – Manila.

↧
Viewing all 146 articles
Browse latest View live
Search